L’uors as dà da buonder: «Ingio mâ sun tuot tschellas bes-chas?»
«Quellas sun idas a star in cità», declera il sprer. «Là esa tannas s-chodadas, bun pavel e lura: ingüns chatschaders!»
Inchün ha dit chi nu saja cusgliabel da tuornar invao al lö l'aigna infanzia. Forsa vaiva'l radschun; ün revair, quai savaina, ans po prender dischillus, perche cha tant s'ha intant müda, la cuntrada dadoura e la cuntrada dadaint - tü est il medem ed est tuottüna ün oter.