Il pitschen prinz (pt)

Beschreibung

La prüma saira m’heja indrumanzo sül sablun, milli miglias dalöntsch da mincha regiun abiteda. Eau d’eira pü abanduno cu ün chi ho fat naufragi sün ün flöz immez l’ocean. Alura, impissè’s cu ch’eau sun sto surprais, cur cha, la damaun sül fer di, üna curiusa vuschina m’ho sdasdo cun dir:
«Per plaschair … disegna ün bês-ch per me!»
«Chee?»
«Disegna ün bês-ch per me …»
Eau sun saglieu in pè, scu tucho da la sajetta. Eau d’he sfruscho ils ögls. Eau d’he guardo pü precis. Ed eau d’he vis ad ün pitschen homin tuottafat straordinari chi’m contemplaiva cun granda seriusited.