Romanica Raetica 23

Beschreibung

Jachen Curdin Arquint

Romanica Raetica 23 – Elemaints d’üna grammatica cumparatistica dal rumantsch – idioms e rumantsch grischun

Rumantsch Grischun, Sursilvan, Surmiran, Sutsilvan, Vallader, Puter

Societad Retorumantscha , 2020, Bestellnummer 978-3-9524925-3-6

La prüma versiun da quista survista da la grammatica rumantscha n’haja redat ils ons 1995 fin 1998. Ella ha servi sco script per ün cuors da grammatica rumantscha.
Il cuors per creschüts as drizzaiva a Rumantschas e Rumantschs da tuot ils idioms e vaiva l’intent da preschantar impustüt la vart morfologica e sintactica da la lingua. El laiva dar in man als native speakers ün instrumaint chi güda a percepir ed a dovrar la lingua in ün möd consciaint e na be simplamaing a basa da perscripziuns e da reglas dattas chi füssan dad observar.

Ils Elemaints d’üna grammatica cumparatistica dal rumantsch – idioms e rumantsch grischun tscherchan üna via per preschantar la grammatica – üna materia chi daspö daplü co ün mez tschientiner nu gioda güst simpatia generala – in üna maniera chi pudess avair vistas da svagliar incletta e – cun quai -forsa eir gust e plaschair cun observar co cha la lingua funcziuna.