Igl prenzi pintg (st)

Beschreibung

L’amprema sera sund jou peia sadurmanto segl sablùn tgòld amiez igl desiert. Quegl eara meli miglias davent da tutas cuntradas abitadas. Jou eara blear ple solitari, c’egn carstgàn c’â fatg naufragi cun la sia puntanera amiez igl ozean. Parquegl pudez s’imaginar la mia surpresa, cur c’egna curiusa vuscheta mi â dasdo a l’alva da la damàn sessur: Ella mi â getg:
«Fe igl bagn a dissegna egna nursa par me!»
«Co?»
«Dissegna egna nursa par me …»
Jou sund saglieu an pes sco tutgieu digl tgametg. Jou ve sfruscho igls îls, ve vurdo a cato adavur egn umet extraordinari ca vurdava sen me cun tschera tut seriusa.