Chasa Paterna 141 / Notizchas dal Paur da Standet

Beschreibung

Sün maisa d’eira tanter oter palperom eir in ün plic da quaderns cun la cuverta brüna sco ch’eu tils cugnuschaiva da meis temp da scoula, tar bap d’eiran quels blovs. Sainza bler dar bada tils n’haja trats our dal mantun da gazettas, broschüras e palperis da reclama. Sülla cuverta dad ün da quels d’eira scrit Menduri Margna, 5avla classa, cun la scrittüra magistrala da Burteldür sco cha nus til nomnaivan. Ma invezza da dictats d’eiran las paginas scrittas cun üna scrittürina chi paraiva sco dad avair temma cha las paginas nu tendschessan per quintar tuot que cha’l scrivant vaiva in petto e prescha da metter sün palperi. I’s trattaiva da scrivandas dals ultims vainch ans, adüna darcheu ün oter datum, fin avant duos ans, als 20 da december.